Либанската министерка за информирање, Манал Абдел Самад поднесе оставка, повикувајќи се на неуспехот на владата да ги спроведе реформите и катастрофалната експлозија што го потресе Бејрут.
Ова е прва оставка на член на Владата на Либан по катастрофалната експлозија на пристаништето во вторник, што дополнително го поттикна гневот на јавноста поради небрежност на лидерите, пренесува АФП.
"По огромната катастрофа во Бејрут, јас поднесувам оставка. Им се извинувам на Либанците, не можевме да ги исполниме нивните очекувања", рече министерката во краткото телевизиско обраќање.
Видео конференција за помош на Либан
Нејзината оставка следува како резултат на растечкото незадоволство од владејачката елита, која граѓаните ја обвинуваат за лошо владеење и корупција, што според нив довело до катастрофална експлозија во магацинот на пристаништето во Бејрут.
Претходно либанскиот премиер Хасан Дијаб најави дека ќе предложи спроведување на предвремени парламентарни избори.
