МВР информира дека по исрцпување на сите истражни мерки и активности за откривање и документирање на кривично-правниот настан во реонот на Трговскиот центар „Мавровка“, денеска СВР Скопје – Единица за економски и компјутерски криминал до Основното јавно обвинителство Скопје поднел соодветен акт од сите досега преземени мерки и активности во врска со кривично-правниот настан „бесправно градење“, според членот 244-а од Кривичниот законик.
„СВР Скопје – Единица за економски и компјутерски криминал при Бирото за јавна безбедност, изминатиов период применувајќи ги неопходните мерки и активности од делокругот на својата надлежност, интензивно работеше во насока на утврдување на постоење основи на сомнение за сторено кривично дело „бесправно градење” кое што се гони по службена должност по член 244-а од Кривичниот законик на Република Северна Македонија во реонот на Трговскиот центар „Мавровка“, соопшти МВР.
Припитомување на дивоградбата кај Мавровка
Оттаму велат дека заради утврдување на елементи на постоење основи на сомнение за сторени кривични дела, кои што се гонат по службена должност, а се однесуваат на предметниот кривично-правен настан, СВР – Скопје ќе продолжи и понатаму со преземање на соодветни мерки и активности од делокругот на својата надлежност.
