Полска ги отвори границите со соседите од ЕУ
Границата со Литванија беше отворена на 12 јуни, а повторното отворање на границите кон Германија, Чешка и Словачка стапи на сила на 13 јуни.
Полска олабави и дел од услови за влез од земји кои не се членки на ЕУ, но на сила остануваат контролите на границите со Украина, Белорусија и руската енклава Калининград. Земјата го суспендираше и железничкиот сообраќај со соседните земји кои не се членки на ЕУ и таа одлука останува на сила.
ЕУ во јули ќе почне со отворање на надворешните граници
ЕК е за отворање на границите за Западен Балкан од 15 јули
На граѓаните на Русија, Белорусија и Украина им е дозволено да влезат во Полска ако се сопружник или дете на полски државјанин или ако имаат полска дозвола за работа.
Во средината на март, полската влада го затвори влезот за странците, кои не се од ЕУ. Исклучоци има за оние со постојан престој, возачи на камиони и дипломати.
Летовите од Полска до дестинациите во ЕУ се планира да продолжат на 16 јуни.