Три лица загинаа, а 15 се повредени во експлозија на бомба на 11 километри од главниот град на Авганистан, Кабул, соопшти авганистанското Министерство за внатрешни работи.
„Бомбаш-самоубиец активирал експлозив меѓу цивилите во близина на Кабул во средата наутро“, рече портпаролот на министерството, Тарик Аријан, пренесе „Ројтерс“.
Сè уште не е јасно кој е одговорен за нападот. Бројот на вооружените конфликти во Авганистан е намален по потпишувањето на мировниот договор меѓу САД и Талибанците кон крајот на февруари.
