Официјален Пекинг соопшти дека дејствувала транспарентно во борбата против коронавирусот, одговарајќи на барањето на германската канцеларка Ангела Меркел за Пекинг да ги расветли околностите на појавата на пандемијата.
„Кина секогаш на отворен, транспарентен и одговорен начин се залагала за јакнење на меѓународната соработка во областа на епидемиологијата“, рече портпаролот на кинеското Министерство за надворешни работи, Генг Шуанг.
Меркел вчера ја повика кинеската влада да биде што е можно потранспарентна за појавата на Ковид-19.
