Хрватскиот министер за економија Дарко Хорват изјави денеска дека ефектите од новиот коронавирус Ковид-19 веќе се гледаат и оти тие ќе имаат одредено влијание врз хрватската економија, иако размерот е тешко да се предвиди во овој момент.
„Во првите два месеци на ниво на ЕУ, гледаме два милиони помалку пристигнувања на кинески туристи“, рече Хорват, додавајќи дека хрватскиот туризам би страдал, но тешко е да се предвиди колку.
Ќе ја инфицира ли коронавирусот македонската економија
Тој рече дека во февруари вредноста на извезената стока од Хрватска во Кина се намалила од 141 милиони долари на 50 милиони долари.
Хорват потенцира дека Европската комисија веќе издвоила 300 милиони евра за да ги ублажи штетите предизвикани од коронавирусот и да пронајде вакцина и лек.