Поради насобраните бегалци и мигранти на турска страна со намера да влезат на грчка територија, Грција претпладнево го затвори граничниот премин „Кастањес” со Турција кај Еврос, објави грчката новинска агенција АНА-МПА, јави дописничката на МИА од Атина.
Чулев: подготвени сме да спречиме влегување на нов бран мигранти
Според истите информации, затворена е царинската служба и не се пропуштаат граѓани, а грчката страна уште од рано утрово е под силно полициско обезбедување. Грчките медиуми пишуваат дека ситуацијата на граничниот премин е мирна.
ЕК: Турција официјално не соопшти промена во политиката кон мигрантите
Претходно, извор од турската Влада изјави дека Турција веќе нема да ги задржува бегалците кои сакаат од Турција да одат во земјите од ЕУ. Се проценува дека во Турција има околу четири милиони бегалци од војната во Сирија.