Либанските демонстранти се вратија на улиците

Демонстрантите во Либан денеска повторно блокирале магистрални патишта, велејќи дека ќе останат на улиците и покрај апелот на претседателот да се вратат дома.


Училиштата и универзитетите се затворени, а затворени се и банките, поради се подлабокат аполитичка и финансиска криза со која се соочува земјата. Вчера војската убила еден локален службеник, што е прв ваков случај откако почнаа протестите на 17 октомври.


Демонстрантите повторно излегоа на улиците откако претседателот Мишел Аун на телевизиско интервју рече дека формирањето на новата влада може дополнително да се одложи. Тој ги повика демонстрантите да си одат дома, велејќи дека доколку масовните протести продолжат тоа ќе ја парализира земјата.


Демонстрантите излегоа на улица незадоволни од широко распространета корупција. Тие бараат политичката елита која ја води земјата да се повлече, а новиот владин кабинет да биде составен исклучиво од експерти, кои не се поврзани со ниту еден политичар.