Новиот министер за здравство, Илир Демири посочува дека до изборот на нова влада ќе работи исклучиво за непречено функционирање на здравствениот систем. Ако постизборно ја добие довербата да продолжи да раководи со министерството, вели дека ќе понуди јасна програма и визија за здравството и Клиничкиот центар.
Новиот министер за здравство во техничката влада, Илир Демири дојде на функцијата без примопредавање и честитка од неговиот претходник и сопартиец од АА, Фатмир Меџити. Во интервју за РСЕ, Демири одговара и на прашањата за внатрепартиската поделба, но и за неговите политички амбиции.
