Бурни реакции во јавноста предизвикаа последните неколку огласи за вработувања по „етнички клуч“. Таков е примерот и за „Национални шуми“ кое вработува 355 вработени - доминантно Албанци и тоа во општини каде оваа етничка заедница според пописот во 2021 година има минорна бројност на жители. Според директорот на „Национални шуми“, Валентин Груевски, може да се случи да има и втор оглас.
Нови депонирани оставки и можност за генерален штрајк кој ќе го затвори македонското небо, најави претседателот на Синдикатот на контрола на летање Александар Тасевски. Дополнително обвини дека преку МВР му се врши притисок за да се откаже од, како што вели, борбата против клиентелизмот.
Северна Македонија ќе се соочи со низа економски предизвици во 2024 година: од слаб раст на БДП, висока инфлација, неповолна размена со ЕУ и предизборни трошоци, прогнозираат економски експерти. Тие додаваат дека и покрај најавените покачувaња на платите, тешко може да се очекува подобрување на животниот стандард на граѓаните.
