Европската Комисија (ЕК) предложи построги мерки во рамките на механизмот за укинување на безвизниот режим, во случај на недоволна усогласеност на земјите со визната политика на Европската унија (ЕУ), хибридни закани и доделување економски државјанства. Како дел од пакетот нови мерки за зајакнување на безбедноста на ЕУ и управувањето со миграцијата, ЕК предвидува проширување на основата за суспензија на безвизното патување во земјите од Шенген зоната. Во моментов, тој механизам може да се активира во одредени случаи... Читать дальше...
Соединетите Американски Држави (САД) ставија вето на резолуцијата на Обединетите нации (ОН) која би ги осудила нападите на Хамас врз Израел и секое насилство врз цивили, пренесува Асошиејтед прес (АП). Во Советот за безбедност на ОН со 15 земји членки, 12 гласаа „за“, САД гласаа против, а две членки беа воздржани. „Американскиот претседател Џозеф Бајден е во регионот, тој се занимава со дипломатија и на нас ни треба таа дипломатија“, изјави по гласањето американската амбасадорка во ОН, Линда Томас-Гринфилд. Читать дальше...
Синагога во Берлин била нападната со молотови коктели во утринските часови на 18 октомври, соопшти берлинската полиција. Според овие информации, неколку полицајци биле повредени во текот на ноќта во немирите на муслиманските имигранти во областите Нојкелн, Кројцберг и Бранденбуршката порта. Заедницата Кахал Адас Јисроел објави дека две запалени шишиња биле фрлени од улицата на нејзиниот верски објект во населбата Мите. Комплексот згради во оваа населба во центарот на Берлин вклучува синагога, градинка и центар на заедницата. Читать дальше...
Администрацијата на американскиот претседател Џо Бајден воведе санкции против десетмина припадници, оперативци и финансиски поддржувачи на Хамас, со цел да се спречи финансирањето на палестинската милитантна организација. Санкциите, според соопштението на Министерството за финансии на САД, насочени кон „тајното инвестиционо портфолио на Хамас“, кое милитантната група го користеше да се прикријат докази за тоа кој ги користи средствата, како и против менувачниците за виртуелни валути кои Хамас ги користи за собирање и префрлување средства. Читать дальше...
Австрија го крева нивото на предупредување за закана од тероризам, објави австрискиот министер за внатрешни работи Герхард Карнер. На 18 октомври, на прес-конференција во Виена, тој рече дека тоа е таканаречената „портокалова шифра“, односно второто највисоко можно ниво на безбедност. Како што објавија австриските медиуми, тоа значи дека оценката на властите е дека постои конкретна закана и зголемен ризик од напад во Австрија и дека е донесена поради ескалацијата на конфликтот на Блискиот Исток и терористичкиот напад во Брисел. Читать дальше...
Европскиот парламент (ЕП) ја изгласа Резолуцијата за Црна Гора, со која се потврдува застојот во процесот на пристапување во Европската унија (ЕУ). „Причините се неуспехот да се изгради консензус за прашања од национален интерес и немањето меѓупартиски дијалог. Сето тоа доведе до одложување на напредокот во реформите и ја турна Црна Гора во длабока политичка и институционална криза“, се наведува меѓу другото во документот на ЕП. „За“ на пленарната седница гласаа 529 европски претставници, 51 беа против, а 53 беа воздржани. Читать дальше...
Од безбедносни причини евакуирани се аеродромите во Лион, Тулуз и Лил, соопшти на 18 октомври француската полиција. Заканите пристигнале по електронска пошта, но властите не ја соопштиле содржината на заканувачките пораки. Властите на Лион набргу потоа објавија дека тревогата на аеродромот е лажна, а веднаш испратија и известување во кое ги потсетија граѓањите дека ширењето лажни информации од ваков тип се казнува со високи парични казни и затвор. Франција прогласи вонредна состојба поради можни напади... Читать дальше...
Претседателката на Европската комисија, Урсула фон дер Лајен, до крајот на месецот ќе ја посети земјава, најави денеска премиерот Димитар Ковачевски. Посетата на Фон дер Лајен е во контекст на уставните измени, како и на заедничкиот прогрес на Албанија и Северна Македонија на патот кон ЕУ. „Претседателката на Европската комисија ќе ја посети Северна Македонија до крајот на месецов, а претседателот Макрон неколку пати изрази желба, и тоа јавна, за тоа во некоја прилика да ја посети земјава“, рече Ковачевски... Читать дальше...
Државна лотарија склучила договор за закуп на нови простории во скопско Визбегово и ќе плаќа над 21 илјада евра месечна кирија за период од 10 години, открива Радио Слободна Европа. Сопственикот кој му го рента објектот на акционерското друштво бил поранешен бизнис партнер со Ерџан Сулкоски, кој медиумите претходно го поврзуваа со семејството на Али Ахмети.
Косовскиот премиер Албин Курти побара мисијата КФОР на Косово, да се концентрира на обезбедување на границата со Србија. Барањето го упати на 18 октомври на средба со командантот на мисијата КФОР Озкан Улуташ. Според соопштението на Владата на Косово, на состанокот се разговарало за безбедносната состојба на Косово по нападот врз полицијата на 24 септември во Бањска. Во тој напад на вооружена група Срби, загина косовскиот полицаец Африм Буњаку, а загинаа и тројца напаѓачи. Курти рече дека... Читать дальше...
Американскиот претседател Џо Бајден ја изрази својата поддршка за Израел за време на неговата посета на таа земја во екот на војната меѓу израелските сили и милитантното палестинско движење Хамас. Во обраќањето со израелскиот премиер Бенјамин Нетанјаху, Бајден рече дека САД ќе се погрижат Израел да има сѐ што е потребно за да се брани. По експлозијата во болницата во Газа во која загинаа стотици луѓе, а палестинските власти го обвинуваат Израел, се чини дека Бајден го поддржа Израел во негирањето на одговорноста. Читать дальше...
На 7-ми септември синот на Рејчел Голдберг, отишол на музичкиот фестивал Нова во Израел. Фестивалот беше една од целите на нападите без преседан на милитантите на Хамас во кој загинаа над 1300 лица. Голдберг има сознанија дека нејзиниот син е киднапиран од радикалната група. Верува дека тој е сѐ уште жив и се надева дека ќе се врати дома.
Земјотрес со јачина од 3,3 степени по Рихтер утринава бил почувствуван во епицентралното подрачје Тетово-Гостивар. Според Сеизмолошката опсерваторија при Природно-математичкиот факултет во Скопје, земјотресот се случил во 10 часот и 24 минути, со епицентар кој се наоѓа 35 километри западно од Скопје и потекнува од епицентралното подрачје Тетово - Гостивар. Според досегашните податоци со кои располага Сеизмолошката опсерваторијата, земјотресот е почувствуван од населението во регионот Тетово и Гостивар.
Вишото јавно обвинителство Смедерево поднесе обвинителен акт против Урош Б. за масовното убиство во селата Дубона и Мало Орашје на 4 мај, се вели во соопштението на тоа обвинителство од 18 октомври. Како што се наведува во обвинението, Урош Б. убил девет лица, од кои двајца малолетни, во селата Мало Орашје кај Смедерево и Дубон кај Младеновац, пукајќи од автоматска пушка и пиштол. Тој се обидел да им ги одземе животите на уште 20 луѓе, од кои 12 ранил. Во обвинението се вклучени и неговиот татко, вујко и братот на вујкото од Крагуевац. Читать дальше...
„Куманово костури“ се првиот и единствен клуб за американски флег фудбал или фудбал со знаменца во земјава. Она што почнало како ентузијастичка идеја меѓу пријатели, денес ги носи на меѓународни натпревари. Тренираат на позајмен терен бидејќи немаат свој. Од неодамна се дел од српската лига бидејќи нема македонска. Но, не губат надеж дека спортот овде може да стане популарен, особено меѓу младите на кои им порачуваат да ги остават компјутерите и социјалните мрежи и да земат копачки, па да им се придружат.
Нема оправдување да се погоди болница полна со цивили во Газа во која беа сместени стотици ранети лица, нагласи денеска претседателката на Европската Комисија, Урсула фон дер Лајен во обраќањето пред европратениците, додавајќи дека „треба да се утврдат сите факти“ за трагедијата. Говорејќи пред Европскиот парламент во Стразбур, претседателката рече дека експлозијата, при што загинаа најмалку 200, ја претворила болницата „Ал Ахли“ во Газа во „огнен пекол“. „Сцените од болницата „Ал Ахли“ се застрашувачки и вознемирувачки. Читать дальше...
Австрија на 18 октомври ќе воведе стационарни контроли на границата со Чешка, со цел да се спречи приливот на илегални мигранти, соопшти Министерството за внатрешни работи. Потегот е преземен откако Германија пред два дена најави гранични контроли со Чешка, Полска и Швајцарија за да се справи со приливот на илегалните мигранти. Новите контроли на чешката граница ќе бидат во сила најмалку 10 дена. Два дена претходно Германија ја извести Европската Комисија дека воведува привремена гранична контрола долж нејзините граници со Полска... Читать дальше...
Од здруженијата на пациенти предупредуваат дека опасно се спушта возрасната граница за болести за кои порано се мислело дека ги добиваат луѓе во поодмината возраст. Лекарите велат дека причини има многу, а една од нив е побрзата дијагностика поради што болестите порано се откриваат
Иако спорадични во споредба со борбите околу Газа, континуираните судири на израелската армија на нејзината северна граница со проиранските милитанти на Хезболах ја продлабочија загриженоста дека конфликтот може да се прошири на повеќе фронтови. Со размерите на нападот на Хамас врз јужен Израел, израелскиот напад на Појасот Газа и можното проширување на кризата, ова е најсериозниот развој на арапско-израелскиот конфликт во последните 50 години, пишуваат светските медиуми. Опасна ситуација на... Читать дальше...
Американскиот претседател Џо Бајден денеска (18 октомври) ќе пристигне во Израел, за да ја изрази поддршката на САД за Израел. Неговата посета беше најавена претходно, а се случува ден по нападот врз болница во Газа во кој загинаа стотици Палестинци, со што се продлабочија тензиите на Блискиот Исток. Палестинските власти соопштија дека израелските сили ја погодиле болницата во воздушен напад, а министерот за здравство на палестинската управа го обвини Израел за „масакр“. Израел ја обвини палестинската... Читать дальше...
Граничниот премин со Србија на северот на Косово, Јариње, е отворен на 18 октомври, потврди за Радио Слободна Европа заменик директорот на полицијата за северниот регион Ветон Елшани. Овој премин беше затворен „поради претрес на теренот“ од 24 септември, кога група вооружени Срби ја нападнаа косовската полиција во селото Бањска во општина Звечан. Тогаш беше убиен полицаецот Африм Буњаку, а во размената на оган загинаа и тројца напаѓачи од српска националност. Претходно, на 4 октомври беше отворен и преминот Брњак... Читать дальше...
Гневот и непристојниот вокабулар во комуникацијата на политичките и општествените чинители во државата одамна е доминантен на социјалните мрежи? Зошто? Од кај потекнува? Што е тоа што ве нервира најмногу? Што може да се направи за да се започне вистински дијалог меѓу заинтересираните страни а не вербално плукање на неистомислениците. За ова разговараме со Жанета Трајковска директор на Институт за комуникациски студии.
Генералниот секретар на ОН повика на итен прекин на огнот на Блискиот исток, откако стотици луѓе загинаа во воздушен напад на болница во Газа во вторникот (17 октомври). „Повикувам на итен хуманитарен прекин на огнот на Блискиот Исток за да се олесни големото човечко страдање. Премногу животи и судбината на целиот регион висат на конец“, напиша Гутереш на платформата X. Тој нагласи дека е „ужаснат“ од нападот врз болница во Газа во кој загинаа стотици луѓе. Пред да полета за кинескиот главен... Читать дальше...