Новости за 17.04.2017

Написите во хрватскиот печат за наводни испораки на руско оружје за Загреб, вклучувајќи противавионски ракетни системи С-300, во периодот од 1991-1995 година се насочени кон поткопување односите на Москва со балканските земји, изјавија од руското Министерство за надворешни работи, коментирајќи ги написите во хрватскиот весник „Вечерњи лист“.

Портпаролот на претседателот на Русија Дмитриј Песков изјави дека Кремљ повикува да се избегнуваат провокативни дејствија на Корејскиот полуостров.

Центарот за односи со јавноста на ФСБ соопшти за приведувањето на еден од организаторите на терористичкиот напад во метрото во Санкт Петербург.

Москва ќе се ориентира според изјавите на претседателот на САД Доналд Трамп за Русија, а не според изјавите на неговиот помошник, изјави шефот на руското МНР Сергеј Лавров.

Пензионерката Татјана Суботина стана популарна благодарение на видеоснимките на која таа користи хромаки-ефекти (облеката и позадината со зелена боја со чија помош можат да се комбинираат видеосигнали за време на монтажата).

Амбасадорот на Русија во Велика Британија Александар Јаковенко го обвини Лондон за непријателски однос спрема Русија и изјави дека односите меѓу двете земји „никогаш не биле толку лоши“, пишува „Дејли Меил“. Според британскиот весник,  Јаковенко додава дека повеќе не постојат „содржајни билатерални односи”, како и дека потезите на Велика Британија во последно време се „провокативни” и „отворено бесмислени”.

По терористичкиот напад во метрото во Санкт Петербург полицијата ги засили мерките за безбедност и освен што го удвои бројот на полицајци и темелните проверки, на повеќето перони работат и кинолози со кучиња. „Руска реч на македонски“ разговараше со двајца претставници на оваа професија, за да дознае како кучињата стануваат службени, какви тестови минуваат и може ли техниката да го замени целосно едно такво куче.

Референдумот за измени на уставот на Турција е суверена работа на земјата и сите треба со почит да се однесуваат спрема изразената волја на турскиот народ, изјави портпаролот на претседателот на РФ Дмитриј Песков.

Кина и Русија испратија свои разузнавачки бродови за следење на американскиот носач на авиони кој се движи кон бреговите на Северна Кореја, соопштува „Дејли Телеграф“ повикувајќи се на авторитетни јапонски медиуми.

Министерството за одбрана на Русија на својот сајт ја прикажа единствената воена база „Арктички тролист“, соопшти одделението за информација и медиуми на рускиот воен ресор.

„Вооружен судир на Русија и САД и НАТО, на мнозинството од нашите сограѓани (63%) сѐ уште им се чини невозможен или крајно малку веројатен, меѓутоа процентот на оние, кои ја сметаат војната за можна или веќе во тек, достигна 30%“, се вели во материјалите на истражувањето, пренесува РИА „Новости“.

Русија врши во Европа „субверзивна активност“ и затоа со неа треба да се води цврст дијалог, изјави советникот на претседателот на САД за национална безбедност Херберт Мекмастер во неделата во интервју за телевизијата Еј-Би-Си.