ДУИ прогласи победа во трката за градоначалник во Дебар

ДУИ прогласи победа во трката за градоначалник на Дебар. Според нивните првични информации од Изборниот штаб на дебарскиот огранок,кандидатот на оваа партија, Хекуран Дука на денешните локални избори освоил над 400 гласови повеќе од неговиот против кандидат Арбен Аголи од Алијансата за Албанците.


„Мојата канцеларија ќе биде отворена за секого, независно дали гласал или не за мене. Ние сме сите дебарчани и сите му посакуваме добро на нашиот град и општина. Ветувам дека максимално ќе се заложам да ги реализирам сите мои ветувања,со цел да ја намалиме миграцијата на младите и да го претвориме Дебар во европски град, изјави Дука.


Тој на последните локални избори, во 2017 година, беше дел од кандидатската листа на ДУИ и беше избран за советник во Советот на општината, по што стана и вршител на должноста градоначалник на Дебар. Предвремени локални избори во Дебар се одржаа откако почина претходниот градоначалникот Ружди Љата.