Апелација денеска или утре ќе одлучува за притворот на Камчев

Во текот на денешниот или утрешниот ден Апелациониот суд ќе одржи јавна седница по жалбата за притворот на Орце Камчев, кој е еден од осомничените во случајот „Империја“ на Специјалното јавно обвинителство. Од Апелециониот суд за МИА изјавија дека во текот на денов ќе знаат точно кога ќе се одржи јавната седница. Камчев има поднесено жалба на притворот со гаранција од околу 14 милиони евра.


Во меѓувреме, како што пишуваат дел од медиумите, Специјалното јавно обвинителство побарало мерката притвор за Орце Камчев, Сашо Мијалков, Цветан Панделески и други осомничени во „Империја“ да се замени со куќен притвор. Од СЈО засега нема потврда на веста. Според пишувањата, истото се очекува да се случи и со поранешниот министер за транспорт и врски Миле Јанакиески и поранешниот генерален секретар на Владата Кирил Божиновски обвинети во случајот „Титаник“. Одлуките треба да ги донесат судиите во Апелациониот суд и во Основниот суд 1 Скопје.