Коснет: Трансформацијата на Безбедносните сили во војска e историски ден за Косово

Амбасадорот на САД во Косово, Филип Коснет изјави дека утрешното гласање во косовскиот Парламент за трансформација на Безбедносните сили (ФСК) во војска на Косово претставува историски датум за земјата, јави дописникот на МИА од Приштина. Во објава на својот профил на Твитер, Коснет напиша дека САД го поддржуваат професионалниот развој и организациската трансформација на ФСК и порача дека по ова очекува косовските лидери да се фокусираат на продолжувањето на дијалогот со Србија.


“Треба да има позитивна улога за Косово и за регионот, да го одразува мултиетничкиот карактер на земјата, како и посветеноста на Косовците за мир”, напиша американскиот амбасадор.


Тој очекува утрешната седница и церемонијата на ФСК да бидат повод за косовските лидери „да ја покажат и да ја потврдат нивната посветеност на мирот, стабилноста и просперитетот за Косово и за неговите соседи“.