ОН го повика Иран да ги ослободи бранителите на правата на жените

Експерти за човекови права на Обединетите нации го повикаа Иран да ги ослободи бранителите на човековите права и адвокатите кои беа затворени за јавна поддршка на протестите против задолжителниот хиџаб во Иран.


„Ја повикуваме Владата веднаш да ги ослободи сите кои беа затворени за промовирање и заштита на човековите права“, соопштија експертите.


Тие велат дека особено се загрижени поради „критичното здравје“ на Фархад Мејсами, лекар кој беше уапсен во јули за поддршка на жените кои протестираа против законот за хиџаб кои ги принудува на јавно место да ја покриваат косата и телото.


Мејсеми наводно во август започнал штрјк со глад во знак на протест поради обвиненијата со кои се соочува, како поради неможноста да добие адвокат по негов избор. Тој наводно се наѓа во клиника во затворот Евин во Техеран.