Уривање на најголемата кланица за кучиња во Јужна Кореја

Властите во Јужна Кореја денеска започнаа со уривање на најголемата кланица за кучиња во земјата. Комплексот Таепџеонг-донг во јужните предградија на Сеул има најмалку шест специјализирани кланици и важи за најголемиот добавувач на кучешко месо во Јужна Кореја. Комплексот треба да биде урнат за два ден. Според планот, на негово место треба да се изгради парк.


Кучешкото месо е дел од кулинарската традиција во Јужна Кореја, каде што годишно се јадат околу еден милион кучиња. Во последните години сè повеќе Јужнокорејци ги сметаат кучињата за пријатели и миленичиња, а не за домашни животни кои се чуваат за исхрана.