Лоцирана аргентинската подморница што исчезна пред една година

Аргентинската морнарица соопшти дека ја лоцирала својата подморница длабоко во водите на Атлантскиот океан, една година откако подморницата исчезна со 44 члена од екипажот. Во денешното соопштение од морнарицата се наведува дека подморницата Сан Хуан била лоцирана на 800 метри длабочина кај Полуостровот Валдес во Патагонија. Аргентинската подморница била забележана од далечински управувана подморница за истражување на американскиот брод „Оушн инфинити“, се наведува во соопштението.


Откритието беше објавено само два дена откако семејствата на исчезнатите морнари одржаа комеморација на годишнината од исчезнувањето на подморницата.


Претседателот Маурицио Макри вети дека семејствата не се само во потрага по вистината. Тој вети целосна истрага по исчезнувањето на подморницата.


Федералната полиција во јануари изврши претреси во морнарички бази и други објекти, како дел од истрагата, веднаш откако владата го разреши шефот на морнарицата.