Судот ќе го бара Груевски в понеделник

Судските служби викендов нема да се обидуваат да му го достават решението за издржување на двегодишната затворска казна на поранешниот премиер Никола Груевски за случајот „Тенк“, велат за РСЕ од судот.


Оттаму наведуваат дека една од можностите е решението да му биде испратено на домнашна адреса н а Груевски, а другата е лично да му биде врачено в понеделник, кога треба да се појави на рочиште за случајот „Титаник.“


Груевки треба да се јави на издржување на двегодишната затворска казна во Казнено поправната установа во Шуто Оризаи , откако Кривичниот совет ја потврди одлуката за неодложување на двегодишната затворска казна за случајот на СЈО „Тенк“, за набавката на луксузниот мерцедес од 580.000 евра.