Кубанскиот претседател пристигна во Москва
Дијаз-Канел, кој беше назначен на функцијата оваа година од неговиот претходник Раул Кастро, треба да се состане со Путин во Кремљ утре, во рамки на неговата тридневна посета.
Посетата на кубанскиот лидер доаѓа во време на зголемени тензии со САД.
Белата куќа ја обележа Куба - заедно со Венецуела и Никарагва - како "тројка на тиранијата" и најави нови финансиски санкции против трите земји.
Хавана се сметаше за клиентелистичка држава на Москва за време на Студената војна, но релациите беа ослабени по распадот на Советскиот Сојуз во 1991 година.