СЈО бара притвор за Димитровски, Главчев и Смилевски за случајот „Поштенска банка“

Во новата истрага на СЈО, „Поштенска банка", пред судија на претходна постапка во Кривичниот суд се изведени Ратко Димитровски, поранешниот градоначалник на Кочани, бизнисменот Томе Главчев и Коле Смилевски, директор на „Поштенска банка", тројца од деветмината обвинети.


Од СЈО бараат притвор за тројцата осомничени, а ги сомничат за кривично дело сторено во период од 2001 до 2010 година. Истрагата опфаќа повеќе поврзани настани за сторени кривични дела – Перење пари и други приноси од казниво дело од чл.273 и со истата се опфатени девет лица и тоа: Коле Смилевски, Томе Главчев, Ратко Димитровски, Викица Поповски, Гкеорги Каратолис, Кирил Јаневски, Зоранчо Митровски, Ристо Милев и Златко Ѓорчев. Од извршените кривични дела сторени во временскиот период од 2001 до 2010 година била прибавена имотна корист во износ од околу 5 милиони евра.