Американскиот претседател Доналд Трамп ја прифати оставката на амбасадорката на САД во ОН Ники Хејли и најави дека таа ќе ја напушти функцијата кон крајот на годината. Трамп рече дека Хејли му рекла уште пред шест месеци дека сака да се повлече од таа функција и оти сака да се одмори малку. Трамп ja пофали Хејли за работата, велејќи дека функцијата ја извршувала „извонредно“. Тој рече дека таа е „многу посебна“ личност која ги „разбира работите“ и оти заедно решиле многу проблеми. Американскиот претседател порача дека Хејли може да се врати во администрацијата во друга улога и оти „може да избира“ што сака да работи.
Хејли изјави дека во овој момент нема планови за иден ангажман. Таа ги демантираше гласините дека планира да се кандидира за претседател на изборите во 2020 година. Претседателот на САД додаде дека во следните 2-3 недели ќе објави кој ќе биде новиот амабсадор во ОН.
