Најмалку 12 загинати војници во напад на Талибанците во Авганистан

Во напад на Талибанците загинаа најмалку 12 припадници на авганистанските сили во провинцијата Јавжан, соопштија официјални претставници.


10 припадници на безбедносните сили исто така биле повредени во нападот кој се случил доцна синоќа во областа Кош Тепа, изјави полицискиот шеф Факир Мохамад.


Тој додаде дека 30 милитанти исто така биле убиени во нападот и 19 други повредени, кој го опиша како неуспешен обид за преземање на областа.


Абдул Хаи Хајат – шефот на советот на провинцијата Јавжан изјави дека вкупно 13 припадници на безбедносните сили биле убиени и 20 други се повредени во нападот во текот на ноќта.


Портпаролот на Талибанците Забихулах Муџахид изјави дека групата ја презема одговорноста за нападот.