Приведен прилепчанец за малтретирање животни

Прилепчанец кој малтретирал животни е приведен и против него ќе биде поднесена кривична пријава за сторено дело „мачење животни“, соопштува МВР.


56-годишниот М.М. од Прилеп бил приведен откако било пријавено дека на градскиот плоштад малтретира животно. Прилепчанецот истурил црвена боја врз куче и почнал да го влече за едната нога, велат од МВР, наведувајќи дека со приведениот е извршен разговор и по документирање на случајот ќе биде поднесена кривична пријава за сторено кривично дело "мачење животни" казниво по член 233 од Кривичниот законик на РМ.


На социјалните мрежи вчера беа споделувани фотографии и видеа од лице од Прилеп како го малтретира и истируа боја врз животното.