Албанија прва по употреба на кокаин според бројот на населението

Албанија го зазема првото место во светот по употреба на кокаин во однос на бројот на населението, објави британски весник „Економист“. Во репортажата со наслов „Зошто картелите профитираат“ се наведува дека борбата со дрогата се движи кон нова криза, а насилните нарко картели се борат за добивка од 320 милијарди долари годишно.


Во целиот свет се смета дека има 18 милиони корисници на кокаин. Купопродажбата на наркотичните средства денес е многу лесна, како никогаш порано благодарение на интернетот.


„Велика Британија, Шпанија, Австралија и САД се земји каде најмногу се консумира кокаин. Но, најголемиот процент го држи Албанија каде 2,5 отсто од населението ја користи оваа дрога, заземајќи го прво место. Тоа е поради фактот што таа е значаен пат за трговијата со кокаин од Авганистан“, наведува „Економист“ .