Во Косово уапсени припадници на движењето Самоопределување

Косовската полиција денеска уапси осум активисти на движењето Самоопределување, меѓу кои и пратеничката на таа опозициска партија во косовското Собрание, Саранда Богујевци.


Акцијата на полицијата доаѓа откако група активисти на Самоопределување излегоа на протест, како што велат, против неефикасноста и неодговорното однесување на полицијата и другите надлежни институции во случаите на насилство врз жените и девојчињата.


Тие почнаа да фрлаат боја, камења и други предмети кон полициската станица, по што дојде до судир меѓу демонстрантите и полицијата, а беа  уапсени пратеничката Богујевци, три активистки и четворица активисти на движењето.