Прва оставка по објавувањето на извештајот за исчезнувањето на малезискиот авион

Азхарудин Абдул Рахман, директорот на Малезиското цивилно воздухопловство денеска поднесе оставка од функцијата, по вчерашното објавување на извештајот од истрагата во кој нема ниту еден нов податок за неразјаснетото исчезнување на авионот на „Малезијан ерлајнс“ МХ370 во 2014 година, со 239 патници, објави АП.


„Истражителите не можеле да ја утврдат точната причина за исчезнувањето на МХ370“, стои во извештајот претставен вчера пред семејствата на жртвите во министерството за сообраќај.


Овој конечен извештај за несреќата предизвика гнев и силни негодувања кај блиските на загинатите патници, кои, според локалните медиуми, ќе бараат одговорност и оставки и од други функционери од надлежните служби.