САД бараат од Русија ослободување на политичките затвореници

САД ја повикаа Русија да ослободи десетици луѓе кои од групите за човекови права се идентификувани како политички затвореници. Во денешната Изјава на Стејт Департментот се вели дека повеќе од 150 лица се држат затворени, меѓу кои и украинскиот режисер и сценарист Олех Сенцов и активистот за човекови права Ојуб Титиев.


Ја повикавме Русија веднаш да ги ослободи сите луѓе идентификувани како политички и религиозни затвореници и да ја прекине употребата на правниот систем за да се потисне несогласувањето и мирната верска практика, стои во Изјавата.


Нема итна реакција од Москва на оваа Изјава на Вашингтон. Во минатото Министерството за надворешни работи одговараше со остра осуда, обвинувајќи ги САД за мешање во внатрешните работи на Русија.