Организаторот на антивладините протести во Тблиси побара од “сите политички партии” во Грузија да се приклучат на протестното движење. Демонстрациите продолжија и во раните утрински часови денеска. Заза Саралидзе, водач на протестите доцна синоќа побара од јавноста поддршка, а засега не се знае дали грузиските опозициски партии ќе се придружат.
Демонстрантите ги почнаа протестите откако судот во Тблиси ги осуди на десет и на девет години затвор двајцата осомничени за убиство и обид за убиство на синот на Саралидзе и друг тинејџер во декември 2017 година. Родителите тврдат дека се прикриваат вистинските извршители на убиството бидејќи нивни роднини наводно работеле во канцеларијата на обвинителството.
