Големиот српски писател Светислав Басара е добитник на наградата „Прозарт“ на Интернационалниот литературен фестивал „ПРО-ЗА Балкан“ што од 27 до 29 мај, во организација на издавачката куќа „Икона“ ќе се одржи во Скопје. Тој ќе биде во друштво на петмина врвни автори од Балканот - Роберт Перишиќ од Хрватска, Ајфер Тунч од Турција, Јуриј Худолин од Словенија, Лејла Каламујиќ од Босна и Херцеговина и нашата Фросина Пармаковска.
