Четириесет и пет фотографии, печатени на рачно изработена хартија, ја чинат изложбата „EXIT“ на мајсторот на фотографија Боро Рудиќ, што од 22 мај ќе се одржи во Салонот „Империјал 1“ на Културно-информативен центар Скопје. Поставката на уметникот кој „останува во фотографијата, но истовремено е со еден чекор надвор од неа, во сликарството“ е преточена и во богато опремена монографија со ист наслов.
