ОН: Меѓу убиените во воздушниот напад во Авганистан имало 30 деца

Мисијата на Обединети нации во Авганистан соопшти дека 30 деца биле меѓу жртвите при минатомесечниот воздушен напад на авганистанската авијација. Авганистански официјални лица тврдат дека тоа бил напад на бунтовници.


Во извештај на ОН објавен денеска се наведува дека во нападот на 2 април загинале 36 лица, како и дека имало верска церемонија во провинцијата Кундуз, на која присуствувале стотици мажи и момчиња.


Исто така, се наведува дека тогаш биле повредени 71 лице, меѓу кои 51 дете. ОН наведува дека не можат да потврдат дали жртвите биле цивили, ниту дали талибанците биле присутни.