Дачиќ се закани со реципрочни мерки кон Хрватска

Српскиот министер за надворешни работи Ивица Дачиќ изјави дека политиката на Србија кон Хрватска во иднина ќе биде заснована на принципот на реципроцитет. Тој за таблоидот „Информер“ порача декатаквите мерки се вообичаена пракса во дипломатијата и доколку дојде до нови непријателски чекори на Загреб, српските власти се подготвени за реакција.


„Се надевам дека разумот ќе надвладее и дека ќе продолжиме по патот на добрососедските односи, како што имаат зацртано претседателите Колинда Грабар Китаровиќ и Александар Вучиќ. Но, доколку некој сака дипломатска војна, ќе добие дипломатска војна“, изјави Дачиќ.