Средба Туск-Вучиќ: За иднината на Србија ќе одлучува само Белград

За иднината на Србија ќе одлучува само Белград, а ЕУ е место каде никој никому ништо не наметнува, затоа вреди на ЕУ да се гледа како на проект со стратешка димензија за просперитет, за висок стандард, демократија, со владеењето на правото и слобода на говорот, безбедност и заемно почитување со зачувување на националниот идентитет, изјави претседателот на Европскиот Совет Доналд Туск по денешната  средба со српскиот претседател Александар Вучиќ. 


Тој додаде дека со Вучиќ разговарал и за состојбата на Западен Балкан, истакнувајќи го залагањето на српскиот претседател за дијалог со Приштина, кое е „тешко прашање со голем емотивен набој“, но и дека ова прашање е стратешки избор кој на крај ќе се исплати.


Вучиќ кратко се осврна на косовското прашање, истакнувајќи дека е важно да се дојде до компромисно решение.