Хан очекува решениe за името во наредните две недели
„Јас сум оптимист дека во следните две недели ќе биде најдено решение за името или барем решение што ќе го отвори патот за почнување на пристапните преговори со ПЈРМ. Мислам дека сите се согласни оти тоа би било корисно за земјата и за целиот регион на Западен Балкан“, рече Хан пред Комитетот за надворешна политика на Европскиот парламент, објави ИБНА (Независната балканска новинска агенција).
Хан посочи дека Македонија успешно ја надминала длабоката политичка криза и направила прогрес во спроведувањето на реформите и воспоставувањето добрососедски односи, но предупреди дека останува уште многу да се сработи, пренесе МИА.