Хејли: САД остануваат во Сирија додека не се остварат три клучни цели

Американската амбасадорка во Обединетите нации, Ники Хејли, изјави дека САД нема да ги повлечат своите војници од Сирија се додека не остварат три цели.


„Прва цел на САД во Сирија е да добијат гаранции дека хемиското оружје нема да се користи на начин што би ги загрозувал американските итереси, втората цел е целосно да биде поразена групата Исламска држава и трета цел е да се создаде добра позиција за следење на активностите на Иран“, рече Хејли во интервју за телевизијата „Фокс“


Таа нагласи дека целта на САД е американските сили да се вратат дома, но не без да бидат сигурни дека овие три цели се остварени.