Џонсон: Ќе ги разгледаме сите опции ако Асад пак употреби хемиско оружје

Лондон заедно со сојузниците ќе ги разгледа сите опции ако сирискиот претседател Башар ал Асад повторно употреби хемиско оружје против своите граѓани во Сирија, изјави шефот на британската дипломатија Борис Џонсон и додаде дека за сега ништо не е планирано.


„Не постои ниту еден предлог на маса во овој момент за понатамошни напади, бидејќи до сега, фала на господ, режимот на Асад не е толку луд да преземе уште еден напад со хемиско оружје“, изјави Џонсон.


Според него, нападите на хемиските постројки во Сирија се исправен потег за да се спречи режимот на Асад повторно да употреби хемиско оружје.