Лавров: Воена интeрвенција во Сирија ќе предизвика нов бран бегалци

Рускиот министер за надворешни работи, Сергеј Лавров, повторно го предупреди Западот против воена акција во  Сирија  велејќи дека тоа ќе доведе  до нов бран  бегалци во Европа. "Ниту нам, ниту на европските соседи тоа не ни треба", изјави Лавров за новинарите во Москва.


Во меѓувреме по барање на Русија Советот за безбедност на ОН закажа итен состанок  поради "закана за меѓународниот мир" од можните воздушни напади врз Сирија од САД и сојузниците.


 До  состанокот  доаѓа додека западните земји ја разгледуваат воената акција како одговор на сомневање за хемиски напад во кој загинаа десетици цивили во градот  Дума.


Русија има илјадници војници и воени советници во Сирија, десетици авиони во воздухопловната база Хмеимим во провинцијата Латакија и 10 до 15 воени бродови на Средоземното Море покрај брегот на Блискиот Исток.