Кривична пријава против 12 лица за случајот во Мала Речица

СВР Тетово во соработка со СВР Куманово и Одделот за криминалистичка полиција при МВР до надлежното Основно јавно обвинителство поднесе кривична пријава против 12 лица за престрелката на 5 април во Мала Речица во која беше убиено едно лице, а двајца беа повредени.


Еден од осомничените е албански државјанин, а останатите 11 се од кумановско.


На десетмина им е одреден притвор од 30 дена, еден е недостапен, а еден поради здобиените тешки телесни повреди е задржан на болничко лекување.


Во престрелка меѓу две групи на 5 април во Мала Речица беше убиен Неип Реџепи од огранокот на ДУИ во Куманово, а двајца беа повредени.