Пучдемон излегува од германскиот затвор со кауција

Поранешниот каталонски лидер Карлес Пучдемон се очекува денеска да биде ослободен од германскиот затвор. Германскиот суд вчера определи кауција од 75 илјади евра за Пучдемон додека се очекува одлуката за негова екстрадиција во Шпанија.


Тој ќе биде проверуван од германската полиција еднаш неделно и му е забрането да ја напушти земјата. Шпанија го обвинува Пучдемон за бунт и злоупотреба на јавни средства за организација на неовластен референдум за независност на Каталонија во октомври, 2017 година.