САД ќе воведат нови санкции за Русија

САД планираат да воведат нови санкции за Русија со кои ќе бидат опфатени милијардери кои се поврзани со рускиот претседател Владимир Путин. Ројтерс и Вашингтон Пост цитираа претставници на американските власти кои посочиле дека санкциите се одговор на наводното мешање на Москва во претседателските избори во САД во 2016 година.


Според нив, на листата ќе се најдат Алексеј Милер, кој е директор на рускиот нафтен гигант Газпром и Игор Сечин, кој е директор во државниот нафтен гигант Роснефт.


Портпаролот на Кремљ, Дмитри Песков запрашан за санкциите посочи дека ситуацијата е комплицирана и многу тензична. Според него, земјата официјално ќе реагира кога ќе бидат преземени новите санкции.