Американскиот претседател Доналд Трамп изјави дека ги следи судските случаи и пресуди пред да преземе нешто околу старосната граница за набавка на одреден вид оружје, наведувајќи дека за тоа нема „доволно политичка поддршка“. Трамп пораката ја прати на Твитер, веднаш откако беше објавено соопштение во кое беше предложен план со мерки за борба против вооружените напади во училиштата. Белата Куќа вчера објави план кој всушност не го вклучува поранешниот предлог на американскиот претседател за подигање на старосната граница за купување оружје на 21 година, а прашањето за вооружување на наставниците се остава да се реши на ниво на сојузните држави и локални заедници.
