САД, ЕУ и Швајцарија ќе ѝ помагаат на Владата во изборните реформи

Швајцарија е подготвена да помогне во зајакнувањето на капацитетите на Државната изборна комисија (ДИК), на општинските изборни комисии и генерално во изборните реформи, изјавила швајцарската амбасадорка во Македонија, Сибил Зутер Техада, на средбата со премиерот Зоран Заев, соопшти владиниот прес-центар.


Премиерот Заев на средбата рекол дека Владата е определена за изборни реформи и дека е прифатлива секоја помош и соработка.


Според соопштението од Владата, Заев ја информирал амбасадорката Техада дека ќе се формира координативно тело, кое што ќе работи со претставници на ЕУ, САД и на швајцарската Влада за подготовка и имплементација на изборните реформи.