Мониторинг групи: убиени 23 цивили во Сирија

Најмалку 23 цивили денеска биле убиени откако сириските владини сили спровеле воздушни напади врз енклавата под контрола на бунтовниците во источна Гута, во близина на главниот град Дамаск, соопштија набљудувачи.


Четири деца биле меѓу убиените, наведе Сириската опсерваторија за човекови права со седиште во Британија. Опсерваторијата истакнува дека најмалку 70 лица се повредени.


Медиумскиот центар Гута исто така извести дека 23 лица се убиени. Проценките се дека околу 400 илјади жители живеат во Гута под опсада на сириските владини сили.