МАНУ и БАН ќе формираат меѓуакадемска група за Договорот за добрососедство

Македонската академија на науките и уметностите (МАНУ) и Бугарската академија на науките (БАН) на денешната средба во Скопје изразиле подготвеност да им помогнат на своите влади во реализација на Договорот за добрососедство и соработка и за таа цел двете академии ќе формираат меѓуакадемска група предводена од нивните претседатели, соопшти МАНУ.


Во соопштението се наведува дека меѓуакадемската група треба да придонесе за конкретизирање на формите и содржините за соработка предвидени со договорот.


На средбата е потенцирано значењето на Договорот за пријателство и соработка меѓу свете земји како силен поттик за понатамошно продлабочување на соработката меѓу нив и академиите во науката, знаењата, културата, економијата, зближувањето на младите луѓе и други подрачја на создавање и прифаќање и примена на заеднички европски вредности.