Државниот потсекретар за политички прашања на САД Том Шанон, објави дека се пензионира од лични причини, објави Асошиетед прес. Шенон, кој има 60 години, рече дека ќе се пензионира штом ќе биде избран негов наследник. Шенон е врвен американски дипломат од кариерата и речиси 35-годишен ветеран во американската надворешна служба. Тој беше најстариот службеник на одделот во Стејт департментот кој остана на својата работа по преминот од администрацијата на претседателот Барак Обама кон администрцијата на претседателот Доналд Трамп. Шејновата кариера опфати шест американски претседатели од 1984 година и беше широко прифатена како симбол на дипломатскиот континуитет и професионализам за време на бурната транзиција минатата година. АП ја наведе изјавата на Шенон (60), во интервјуто дека се пензионира од лични, а не од политички причини. "Решив дека е важен момент да се направи чекор назад и да се утврди што следно можам да направам во мојот живот", рече Шенон. Државниот секретар Рекс Тилерсон рече дека побарал од Шенон да остане. Тилерсон се соочи со критики во врска со неговото раководство на Стејт департментот, со коментари дека ја ослабува американската дипломатија со отстранување или притискање на високи службеници во кариерата.
