Собранието на Македонија денеска во 11 часот треба да ја започне 32. седница на која на дневен ред е Законот за употреба на јазиците, во трето читање, со кој се унапредува употребата на албанскиот јазик. Тој беше вратен од претседателот на државата Ѓорге Иванов без потпишан указ и со бројни укажувања. Седницата за овој закон претседателот на Собранието Талат Џафери ја закажа во предидениот рок и го стави на повторно гласање, а за законот се поднесени и над 32.000 амандмани од опозициската ВМРО-ДПМНЕ. Содржината на амандманите, според Деловникот, мора да биде во согласност со укажувањата на претседателот Иванов. Поднесените амандмани ќе се разгледуваат само на пленарна седница.
