Првото рочиште за случајот на СЈО „ТНТ“ треба да се одржи денеска во Кривичниот суд, каде се појавија поранешниот премиер и лидер на ВМРО-ДПМНЕ Никола Груевски, поранешниот министер за транспорт и врски Миле Јанакиески и поранешниот градоначалник на Гази Баба Тони Трајковски, кои се обвинети во случајот.
Во судот пристигна и бизнисменот и претседател на Партијата за европска иднина Фијат Цановски сопственик на комплексот „Космос“ на чие уривање се однесува предметот „ТНТ.“
Во предметот се обвинети уште четири лица, а со новиот годишен распоред предметот ќе го води судијата Огнен Ставрев. Апелациониот суд на 4 ноември минатата година одлучи дека прислушуваните разговори за уривањето на „Космос“ можат да се користат како докази во постапката.
