Јужна Кореја понуди разговори со Северна Кореја за учество на Олимписките игри

Јужна Кореја понуди одржување на разговори на високо ниво со Северна Кореја со цел отворање на патот за учество на Северот на Зимските олимписки игри Пјонгчанг. Јужнокорејскиот министер за унифицирање Чо Мјунг-Гион прдложи одржување на состанок денеска на делегации на двете земји во пограничното село Панмунџом во демилитаризираната зона. Ова ќе биде прв состанок на двете страни во повеќе од две години.


Тој додаде дека додека во фокусот ќе биде олимписката соработка, исто така е можно да има дискусија за подобрување на затегнатите врски меѓу двете земји. Понудата на Југот доаѓа еден ден откако севернокорејскиот лидер Ким Јонг Ун ја објави можноста да испрати делегација на Олимписките игри. Олимсписките игри почнуваат на 9 февруари и ќе траат до 25 февруари.