«Кыргызстан» саясий партиясы парламенттик шайлоого катышуу үчүн талапкерлердин тизмесин тактап бүтпөй калганы тууралуу маалыматты анын мүчөлөрү четке кагышты.
Партиянын мүчөсү Нурбек Алимбеков андай маалыматтар чындыкка дал келбей турганын билдирди. Борбордук шайлоо комиссиясынын (БШК) мүчөлөрү да андай маалымат жок экенин айтышты.
БШК Жогорку Кеңешке шайлоого бара турган партиялардан талапкерлердин тизмесин жана тийиштүү документтерди кабыл алууну 24-августта кечки саат алтыда токтотту. Жалпысынан 17 партия расмий каттоого алынды.
Социалдык тармактарда айрым колдонуучулар «Кыргызстан» партиясы талапкерлердин тизмесин тактап бүтпөй калганын жазышкан.
4-сентябрга чейин талапкерлер тууралуу маалыматтар текшерилип, анан бир айлык үгүт башталат. Шайлоо 4-октябрда болот. (SE)
